INDIA hruaitute'n ECI an hmu

Eptu party ṭangrual pawl, INDIA hruaitute chuan nimin khan Lok Sabha inthlan thawh thum neih tawha vote tla zat dik tak tarlang tura phûtna leh, campaign-naa sakhaw behchhan symbol hman chungchangah Election Commission of India (ECI) an hmu.

INDIA hruaitute hian ECI hotute hi an vaiin an hmu a, memorandum theh lutin, an thu kente an sawipui nghal bawk a ni. ECI hnenah hian Lok Sabha inthlan neih tawh china vote tlak dan leh tla zat dik tak tarlanna ECI-in chhuah se an duh thu an thlen a, BJP-in an campaign-naa sakhaw behchhan neia symbol an hman thu leh, endik ni se an duh thu an sawi tel bawk a ni.