'PM hian ram hausakna mi hausa pali panga hnenah a pe' - Priyanka Gandhi

Congress party hruaitu, Priyanka Gandhi Vadra chu nimin khan a nuṭapa, Uttar Pradesh-a Rae Bareli Lok Sabha seat chuhtu, Rahul Gandhi tan a campaign a, BJP hruaitu leh prime minister Narendra Modi chu na taka beiin, 'PM Modi hian kan ram hausakna pum hi mi hausa pali panga lek hnenah a pe a ni," a ti.

Rally neihnaa thu a sawiah, Priyana Gandhi chuan. "Narenda Modi hi kum 10 chhung Varanasi MP a ni tawh a, mahse he bial chhunga thingtlang khuate a tlawh loh bakah, loneitute pawh an dinhmun a zawt ngai lo," tiin a sawi. Hetih lai hian Congress hruaitu, prime minister lo ni tawh Rajiv Gandhi leh Indira Gandhi-te kha chu thingtlang khaw hrang hrangah te kalin, mipuite chu an harsatna tawhte hmaichhanah ngei an zawt ṭhin tih a sawi.

"Privatisation hi a ṭha lo a ni lo a, mahse prime minister-in ram hausakna hi mi pali panga vel lek hnenah a pek chuan a dik lo a ni," tiin prime minister chuan event lian pui pui buatsaihin, heng hunah hian mi hausate chauh in hmu ang a, mi rethei te te erawh hmuh tel tur an awm ngai lo ang, a ti bawk.