Kejriwal-a'n campaign thutiam 10 a puang

Aam Admi Party (AAP) hruaitu leh Delhi chief minister, Arvind Kejriwal chuan central-a INDIA-in sorkarna a siam huna a tihhlawhtlin ngei ngei tur thil chi hrang hrang 10 a puang.

Kejriwal hian 'Kejriwal ki 10 guarantee' vuahin; nileng zankhuaa eng pek chhuah, zirna in siam ṭhat, insurance-a innghat lo a thlawna inenkawlna siam, China awp kan ram chin la let tura Indian Army-te zalenna pek, Agniveer scheme ṭhiah, Swaminathan commission report anga thlai zawng zawng tana MSP siam, ṭhalaite tan vaibelchhe hnih hna siam, sumdawngte tana awlsamna siam, Delhi tana state pek leh BJP-in eiru ṭhin an party zawmtu an venhimna ṭhiah te chu a tihhlawhtlin ngei ngei tur zingah a sawi lang a ni. "Prime Minister nih hi ka duh lo a, mahse, INDIA hian sorkarna a siam a nih chuan heng ka sawi zawng zawngte hi hna hmasaa neiin ka tihlawhtling ngei ang," tiin a sawi.