Sorkarin pension law siam- ṭhat a tum

Sorkar laipui chuan kum 154 zet a hman tawh, pension law siamṭhat a tum.

Central sorkar hnuaiah hian he pension law hmangtu, pensioner nuai 58 zet an awm a ni.

Pensions Act, 1871 siamṭhat dan ngaihtuah hian Ministry of Personnel, Public Grievances and Pensions chuan tun hnaiah meeting a lo ko tawh a, ministry hrang hrangte rawtna an siamte an ngaihtuah ho a ni.

Department of Financial Services (DFS) chuan Acts leh rules tam tak siamṭha kher loin, Pensions Act, 1871-a hman chhunzawm tlak tawh loh te chauh siamṭhat a rawt a, hei hi Home, Labour, Rural Development, Defence, Ministry of Railways leh Department of Personnel and Training pawhin an thlawp a ni.