Delhi-ah diesel hmang taxi tlan phalsak a ni

Supreme Court chuan Thawhlehni khan Delhi khawpui chhunga diesel hmang taxi tlan khapna, ni 10 chhung hman tawh chu a hlip. He khapna hlih a nih avang hian all-India tourist permit (AITP) diesel taxi 64,000 te chu an tlanchhuak leh thei dawn ta a ni.

SC chuan diesel taxi-te chu National Capital Region (NCR) huam chhungah petrol leh CNG taxi dang angte bawka passenger and lak leh drop pawh a phalsak. Mahse hei hi an permit-in a huam chin chhung atan chauh a ni. AITP diesel taxi-te hi kum nga chhung atan phalna pek an ni.

Diesel hmang taxi hi CNG mode-a thlak vek turin court chuan a lo hriattir tawh a, mahse an thlak duh loh avang≠in April 30 aṭang khan Delhi khawpui chhungah diesel taxi-te tlan khap a ni.

Court-in diesel taxi tlan khapna hi hlihsak mah se, diesel car leh SUV engine capacity 2000cc leh a chunglam te khapna erawh chu hman chhunzawm a ni thung. Court chu thupek dang a awm hma chuan an tlanchhuak khap a ni tih a sawi a, July thla hian hemi chungchang hi ngaihtuah ani ang.