Vijya Mallya laka Interpol red corner notice tichhuak turin ngen

UK sorkarin an rama awm mek, Vijya Mallya chu dan ang taka an rama lut a nih avangin India ramah thawn kir mai theih a nih loh thu a sawi hnuin, Enforcement Directorate (ED) chuan Interpol hnenah Mallya laka red corner notice tichhuak turin a ngen. Red corner notice hi international warrant nen a in ang.

Vijya Mallya hi a leibatna bank hrang hrangte Supreme Court-ah an zualko hnuah UK-ah a kal a, tun thlengin a rawn kir duh lo a ni. Thla hmasa kha a passport pawh cancel sak a ni tawh a, UK sorkar hnenah India rama rawn thawn tura ngen a ni. Mahse UK sorkar chuan an ramah hian valid visa hmanga lut a ni a, 1971 Immigration Act hnuaiah UK-a an awm lai chuan valid passport an neih kher a ngaih loh avangin an thawn kir thei lo tih a hrilh a ni. Hei vang hian India rama hruai kir a nih theih nan ED hian Interpol a pun ta a ni.

Leiba tam tak a neih avanga a thubuai neihte hmachhawn tur leh, a leibatnate hmu tura court-in vawi eng emaw zat a kohna chu Mallya hian a chhang duh lo a ni.