Assembly inthlan neih turah crorepati an tam

Kerala, Tamil Nadu leh Puducherry Assembly Election chu Thawhṭanni hian neih a ni dawn.

Kerala

Kerala assembly-ah seat 140 awmin candidate 1,125 an awm a, an zingah hian hmeichhia 104 an tel. Association for Democratic Reforms (ADR) survey in a tarlan danin candidate 1,125 zingah hian mi hausa tawntaw, crorepati 202 an awm a, INC aṭangin 43, CPI(M) 24, BJP 18, Bharath Dharma Jana Sena
aṭangin 18, AIADMK 2, IUMLA 17, Kerala Congress 9 leh independent candidate aṭangin mi 30 an ni.

Kerala inthlan neih tura candidate-te sum neih zat hi chawhrualain cheng vaibelcheh 1.28 a ni.

Candidate zingah pawikhawihna thubuai, criminal case nei lai mi 311 an awm a, an zinga 72 chu CPI(M) member niin, BJP aṭangn 42, INC 37, Bharath Dharma Jana Sena 13, CPI 15, IUML 6, SDPI 25 leh independent candidate aṭangin 43 te an ni.

Zirna lamah candidate zinga 669 chu pawl 5-12 inkar a ni a, graduate leh a chunglam 380 awm≠in, 29 te chu ziak leh chhiar thiam an ni a, ziak leh chhiar thiam lo 7 an awm bawk.

Candidate 656 chu kum 25-50 inkar an ni a, kum 51-80 inkar mi 461 an awm. Candidate paruk chu kum 80 chunglam an ni a, mi pa≠hnih chuan an kum zat an tarlang lo.

Tamil Nadu

Tamil Nadu assembly-a seat 235 awmnaah candidate 3,776 an awm a, major party aṭangin candidate 1,107 an awm. Major party candidate zingah hian crorepati 553 awmin criminal case nei lai 283 an awm a, hmeichhe candidate 96 an awm bawk.

Crorepati 553 zinga 32 chu INC member niin, BJP aṭangin 64, AIADMK 156, DMK 133, Pattali Makkal Katchi (PMK) 72, DMKDK aṭangin 57 an awm. Candidate te hausakna hi chawhrualin cheng vaibelchhe 4.35 a tling a ni. Hetihlai hian hian candidate pa≠hnihte chuan affidavit an thehluhah engmah nei lo niin an inziak.

Candidate zinga criminal case nei, mi 383 zingah Congress candidate 10 an awm a, BJP 26, AIADMK 47, DMK 68, PML 66, DMDK 41 leh CPI(M) candidate 8 an awm. Constituency 28-ah chuan candidate pathum aia tam criminal case nei an awm vek a ni.

Tamil Nadu inthlan neih tura candidate zingah hian mi 454 chu pawl 5-12 inkar thleng zir an ni a, 488 chu graduate leh a chunglam niin, ziak leh chhiar thiam mi paruk, ziak leh chhiar thiam lo mi paruk bawk an awm.

Candidate 537-te chu kum 25-50 inkar an ni a, kum 51-80 inkar mi 458 an awm. Candidate pahnih chu kum 80 chunglam an ni.

Puducherry

Puducherry asembly election neih turah seat 30 awmin, candidate 344 an awm. Candidate zingah hian crorepati 96 an awm a, criminal case nei lai 68 an awm bawk.

Crorepati zinga mi 18 chu Congress member an ni a, BJP aṭangin 8, AIADMK 28, All India NR Congress 21, PMK 5 leh indenpendent candidate 16 an ni, candidate-te thil neih zat hi chawhrualin cheng vaibelchhe 2.49 an ni.

Criminal case nei lai mi 68 zingah INC aṭangin 21, BJP 8, AIADMK 6, All India NR Congress 8, PMK 6, Naam Tamilar Katchi 3 leh independent candidate 11 an awm.

Candidate 189 chu pawl 5-12 inkar zirchhuak an ni a, 111 chu graduate leh a chunglam an ni. Candidaet 8 chu ziak leh chhiar thiam niin, ziak leh chhiar thiam lo pariat an awm bawk.

Kum 25-50 inkar candidate 221 an awm a, mi 122 chu kum 51-80 inkar an ni. Hmeichhe candidate 22 an awm bawk a ni.