Kejriwal-a'n Congress tan roadshow a buatsaih

Delhi chief minister leh Aam Admi Party (AAP) hruaitu, Arvind Kejriwal chuan nimin khan Lok Sabha inthlan neih meka Delhi-a Congress candidate pakhat ṭawiawm nan roadshow a nei.

AAP leh Congress-te hi central-a sorkar lai BJP paihthlak tuma eptu party ṭangrual pawl, INDIA-a thawkho an ni a, Delhi-a Lok Sabha seat pasarihah chuh tur insemin, Kejriwal hian Congress candidate, Devender Yadav a thlawpna lantir nan roadshow hi a nei a ni. Devender Yadav hi Delhi-a Congress hruaitu niin, roadshow-ah hian AAP leh Congress mi leh sa eng emaw zat an tel thu a sawi a, Chandni Chowk, Model Town leh Jahangirpuri-ahte roadshow hi neih a ni.

Delhi excise policy thubuai avanga man,Kejriwal hi Tihar jail aṭanga bail-a chhuah a nih hnuah May 11 aṭang khan AAP candidate-te tan roadshow a nei chhunzawm nghal a, nimina Congress candidate tana roadshow a neih hi AAP-in an thawhpui candidate tana roadshow a neih hmasak ber a ni. Delhi-ah hian Lok Sabha seat pasarih awmin, seat paliah hian AAP an ding dawn a, seat pathumah Congress candidate an ding ve thung ang.