Punjab police-te'n firfiaka chet tum mi pali an man

Punjab police Anti-Gangster Task Force (AGTF) chuan ram pawn aṭanga Iqbalpreet Singh-a bultuma firfiaka chet tum mi pali, Rajpur-a Sahibzada Ajit Singh Nagar district aṭanga an man thu an puang.

Punjab Director General of Police (DGP), Gaurav Yadav chuan mi pali an man zinga an hotu; Gurwinder Singh chu AGTF-in 2022-a tualthat tura rawih ṭhin chungchanga an man, tun hnaia jail aṭanga bail-a chhuak hlim hlawt a nih thu sawiin, midang pathumte hi Gurpeet Singh, Ranjit Singh leh Jagjit Singh te an nih thu an sawi bawk. DGP chuan thu rintlak tak an dawn aṭanga hma la an nih thu leh, man an nih hnua thu an zawh fiahnaah Gurwinder chuan Iqbalpreet Singh chuan anmahniho chu hui khawmin, Punjab-a pawikhawih an tum thu a sawi a ni.

Police-te sawi danin Iqbalpreet Singh hi Khalistan firfiak pawla an hotu, Hardeep Singh Nijjar nen inkungkaihna neia inbepawp reng ṭhin an ni a, kum 2016-2017-a Canada-a mi pasarih thattu, Ramandeep Bagga ṭhian hnaivai tak a ni bawk. Punjab police-te hian Sikhs for Justice (SFJ) tana thawk mi pathumte chu Delhi leh Punjab vela Khalistan thlawpna thu ziak an theh darh avangin an man tel bawk.