AYUSH ministry report-tu man

Thla hnih liamtaa 'Milli Gazette' website-a Ministry of AYUSH sawiselna lam report ziaktu, journalist Pushp Sharma chu thubuai siamsak a nih hnuin kar kalta Inrinni khan Delhi police-ten a chenna, Dayanand Colony-ah an man.

Police senior officer-te chuan Sharma report hi an zirchiang mek tih an sawi. Sharma hian Milli Gazette website-ah report a tihchhuahah, Ministry of AYUSH chu sorkarin policy a siam zulzuiin hnathawktu atan Muslim mi an la ngai lo niin a sawi. Hei hi RTI hmanga zawhna chhanna an dawn aṭangin a lang niin a sawi. Mahse ministry chuan he puhna hi thu dik lo a nih thu leh, ministry tihhmingchhiat tumna niin a sawi thung.

Milli Gazette leh journalist Sharma hian an report hi a dik ngei niin an ṭang tlat a, RTI document-te chu an siamchawp a ni lo tih an sawi. Man a nih hma hian Sharma hi police station-ah ni eng emaw zat koin thu zawhfiah a lo ni tawh bawk.

Sharma chuan police station-ah thu an zawhfiah hian ṭawngkam mawi lo tak taka ankhum anih thua sawi a, an thiltih chhan leh amah puitute puang tur tein an vau niin a sawi. Milli Gazette editor Zafrul Islam Khan chuan police-te chuan Muslim hnena sum hmanga inhralhah an puh niin a sawi. Police-te chuan Khan hi thu an zawtfiah tawh bawk a ni.