HC advocate-in hriattirna thawn

Madras High Court advocate chuan Election Commission of India leh Tamil Nadu Chief Electoral Officer hnenah hriattirna thawnin, Tamil Nadu assembly inthlan neih tura party hrang hrangin an manifesto-a a thlawna thil sem an tiamna copy a pe tel.

Advocate Subramaniam Balaji chuan inthlan neih turah hian political party hrang hrangte chuan an manifesto tihchhuahah mipuite hnena a thlawna thil sem tur an tiam nasa hle tih a sawi. Hemi chungchangah hian May 8 khan complaint a thehlut tawh a, mahse ECI chuan ni hnih chhungin chhanna a pe ang tih a tiam chungin tun thlengin a la chhang lo tih a sawi.

Advocate chuan kum 2015, July 5 khan Supreme Court chuan DMK leh AIADMK-ten a thlawna thil sem an tiamnate chu court thupek kalh a ni tih a lo sawi tawh niin a sawi. Hei vang hian Tamil Nadu-ah chuan President's rule puang tura ngenin, party hrang hrangte chu manifesto thar siam vek tura hriattir turin a ngen.