Mumbai-ah BJP leh INDIA-in rally buatsaih

Lok Sabha inthlanpui 2024 neih mekah campaign pawh kalpui zel a ni a, nimin khan Bharatiya Janata Party (BJP) leh eptu party ṭangrual pawl, INDIA chuan Mumbai-ah election rally an nei.

BJP rally hi Mumbai-a Shivaji park-ah neih niin, prime minister Narendra Modi chuan thu a sawi a, hei hi PM Modi-a'n Maharashtra state-a rally a neih vawi 18-na niin, a tawpna ber tur a ni bawk. Lok Sabha inthlan atan hian BJP chuan Maharashtra-ah hian Marathi vote hmu ṭha tura ngaih Maharashtra Navnirman Sena (MNS) an thawhpui a, MNS hotu, Raj Thackeray chuan PM Modi hi rally-ah hian a ṭawiawm a ni.

INDIA pawhin Mumbai-a Pathaka Maidan-ah nimin vek khan rally hi nei vein, Aam Admi Party (AAP) hruaitu, Arvind Kejriwal chuan a telpui. Kejriwal bakah hian Congress president, Mallikarjun Kharge, Punjab chief minister Bhagwant Mann, NCP (SP) hotu Sharad Pawar leh Sena (UTB) hotu Uddhav Thackeray te chu rally-ah hian an tel.

Maharashtra-ah hian inthlan thawh ngana, May 20-a neih turah constituency 13-ah vote thlak tura ruahman a ni a, hetah hian Maharashtra bika Lok Sabha inthlan chu zawh fel a ni tawh dawn bawk a ni.