Shibu Soren-a'n JMM aṭangin a mo leh MLA dang pakhat a ban

Jharkhand Mukti Morcha (JMM) chief, Shibu Soren chuan an party hruaitu helte lakak action lain, an party MLA pahnih; Lobin Hembrom leh a mo, Sita Soren-te chu kum ruk chhung atan a ban.

Lobin Hembrom hi Jharkhand Borio assembly seat-a JMM MLA ni lai a ni a, tin, Siat Soren pawh hi Jama assembly seat-a MLA ni lai a ni bawk. Ban an nih chungchangah hian JMM hotu, Shibu Soren hian party dodal zawnga cheah puhin, anni pahnih bakah hian party mi leh sa dang pathumte chu, MLA dang pakhat leh MLA hlui pahnih an la tel bawk thu a sawi a ni.

JMM MLA Lobin Hembrom hian Lok Sabha inthlan lo awm turah Rajmahal seat aṭanga independent-a chuh a tum thu puangin, Sita Soren hian JMM chhuahsanin Bharatiya Janata Party (BJP) a zawm thung a, ani pawh hian Dumka seat aṭangin Lok Sabha seat a chuh dawn bawk a ni.