Kum 2002-a Godra rel haltu man

Gujarat Anti-Terrorism Squad (ATS) chuan kum 2002-a Godhra rel hal a nih chung≠changah a mawhphurtua puh, Farooq Bhana chu kum rei tak a bik bo hnuah nimin khan an man.

Kum 2002, February 27 zingh khan Godhra rel station bulah Sabarmati Express rel hal a ni a, rel chhunga chuang mi 59 an thi a ni. Thi zinga a tam ber hi Ayodhya tlawha kal, Hindu biak≠zina kalte an ni. He thil thleng vang hian court chuan Muslim mi 31 chu thiam loh a lo chantir tawh a, mahse kangmei chhuah chhan dik tak erawh chu tun thlengin finfiah a la ni lo. Mi 11 chu thi tura an chungthu relsak an ni a, mi 20-te chu damchhung tang tura hrem an ni bawk.

Gujarat sorakr chuan rel hal a nih chungchang chhui tur hian Justice Nanavati kaihhruai inquiry commission a dik a, commission hian a hnu kum ruk, kum 2008 khan kangmei chhuak hi mipui 2,000 vel pungkhawm thinrimin an hal vanga chhuak niin a sawi. Mahse a hnua sorkar laipuiin Justice UC Banerjee kaihhruaia commission a din thar leh chuan kangmei chhuak hi tihpalh thil vanga thleng niin a sawi ve thung.

Godhra rel-a kangmei chhuak hi Gujarat-a Hindu leh Muslim inkara buaina rapthlak tak chhuahna chhan nia ngaih a ni. He thil hi Gujarat Chief Minister-a Narendra Modi a awm laia thleng a ni a, buaina chhuakah hian Muslim mi 1,000 dawn tihhlum an ni.

ATS official chuan Bhana hi Godhra rel hal a nihnaa a ruahmantu ber zingah a tel tih sawiin, buaina a chhuah hnu hian Mumbai lamah kalin a bibo zui a ni. Mahse thu an dawn bawhzuiin, ATS hian Panchmahal district-a Kalol khuaah an man ta a ni.