Union minister Ram Vilas Pawas a thi
Union Minister for Consumer Affairs, Food and Public Distribution Ram Vilas Paswan chu hun eng emaw chen damdawi-ina enkawl a nih hnuin kum 74 mi niin Ningani zan khan a thi.
Lok Janshakti Party (LJP) dintu leh Dalit hruaitu lar, Paswan hi September 11 khan New Delhi-a private damdawi-ina dah luh a ni a, October 4 khan a heart surgery tih a ni a, mahse ṭhat chhuah lam pan thei loin Ningani zan dar 8: 20 khan a thi ta a ni.
Paswan sun nan nimin khan Rashtrapati Bhavan, Parliament leh state leh union territory khawpui zawng zawngah hnam puanzar a ngul chanve ah zar a ni.
Nimin khan Paswan ruang hi Bihar panpui a ni a, vawiinah Patna-a Digha ghat-ah state chawimawina nen vui a ni ang.
Political party hruaitu hrang hrangte chuan Paswan an ui thu an sawi a, Delhi-a a chenna inah a ruang chungah zahna an hlan a ni. Zahna hlantu zingah hian prime minister Narendra Modi pawh a tel.
Ram Vilas Paswan a thih avangin a ministry chan, Consumer Affairs, Food and Public Distribution lo hmui turin Railways minister Piyush Goyal chu ruat a ni.