Labour rights humhalh kawngah India thawk ṭha lo

Commitment to Reducing Inequality Index (CRII) report tihchhuahah, India ram chu mirethei zawk, inhlawhfate dikna leh chanvo humhalhna kawngah a thawk ṭha tawk lo hle a, ram 158 zingah 151-naah a awm. 

India hi a hmain  141-naah a awm a, zirchianna neih hnuhnung berah a dinhmun hi a tlahniam lehzual a ni. 

Kumin hian India chu mi rethei zawk, inhlawhfate dikna leh chanvo humhalh kawngah a ṭha tawk lo tih he index aṭang hian a hriat theih a ni. India rama informal sector-a mipa hna thawk awm tam berna state chu Uttar Pradesh a ni a, he sector-ah hian mipa 86.9% an awm a, hmeichhe awm tam berna state chu Andhra Pradesh niin, 73.6% a ni. Delhi-ah informal employment rate chu mipa 64.8% niin hmeichhia 31.8% a ni. 

Public service-ah chuan India chu rank 141-na a ni. CRI index pumpuia teh chuan India chu 129-na a ni thung. 

CRI index-ah hian government policy , education, health, social protection, taxation leh workers’ rights lama sorkar hmalakna te teh ṭhin a ni. He index-in a tum ber chu mi hausa leh rethei inkar inthlau lutuk  tihziaawm a ni.      

Ram chhungah kum 2019-20 chhunga per capita expenditure on education-a hniam ber chu Telangana a ni a, Rs 2,584 niin, a sang ber chu Andhra Pradesh a ni a, Rs 6,398 a ni. 

Kumina CRII tihchhuah ah hian Norway chu pakhatna a ni a, South Sudan chu a tawp berah a awm thung. CRII hi Development Finance International, Inc. leh international NGO Oxfam-te buatsaih a ni.