CISF-te'n Parliament venhim hna thawk ṭan

Central Industrial Security Force (CISF) counterterrorism security unit-te chuan nimin khan New Delhi-a Parliament rorelna in venhimna hna thawk ṭanin, CISF mi leh sa 3,317-in an thawk.

Nikum December 13-a parliament session inkhawm neih laia house-in beih a tawh hnu khan building venhimna chungchang hi uluk zawka ennawn a ni a, CISF kutah hian dah a ni ta a ni. CISF-in parliament venhim hna an thawh ṭan avang hian parliament venhim hna thawk mektu; Central Reserve Police Force (CRPF) 1,400 vel chu sawn chhuah an ni a, CRPF hian an hmanrua, ralthuam, lirthei leh sipai zawng zawng an la chhuak nghal a ni.. Parliament building hlui leh thar venhim hna thawk tur hian CISF counter terrorism security unit mi leh sa 3,317-te chu nimin khan dah nghal an ni.

Parliament venhim hna thawk ṭhin; CRPF Parliament Duty Group (PDG) Deputy Inspector General (DIG) rank officer chuan CISF kutah engkim an hlan tawh thu leh, ni 10 liam ta chhung khan CISF mi leh sate chu parliament building hmunhma zir en dikpuina leh hrilhhriatna an neih thu a sawi a, an PDG unit-te chu CRPF hnuaia VIP security wing battalion parukte nen zawm an nih tur thu a sawi tel bawk.