Delhi tan ni 5 chhung red alert tichhuak

India ram khawpui Delhi chu khaw lum nasa takin a tuam mek avangin India Meteorological Department (IMD) chuan ni 5 chhung atan red alert a tichhuak.

Delhi khaw lum zual hian Thawhṭanni khan 47.4 degree celcius te a hawlh kai a, hei hi dang pangngai aia 3.7 degree celcius-a sang a ni. Hemi ni hian May thlaa Delhi-in kâwlphetha an hman nasat ni ber a thleng hial. Hei vang hian Delhi sorkar chuan sikul nipui chawlh la hmang lo zawng zawngte pawh nipui chawlh puang vat turin a hriattir tawh bawk a ni.

IMD chuan Delhi-a khaw lum zual hun chhung hian natna leh harsatna hrang hrang tawh theih laka fimkhur tura mipui chahin, a bikin kum upa leh leh nausênte chu fimkhur zual ngai an nih thu an tarlang. Ni nga chhung hian khaw lum lam hi chawhruala 40 degree celcius chung lam ni tura ngaih a nih avangin tui leh ORS in tam turin mipuite an chah bawk.