G7 leh Ukraine peace summit-ah India tel dawn

Prime minister Narendra Modi chuan thla thara G7 meeting leh Ukraine peace summit-a tel tura sawmna an dawn angin, India chu khawvel puma remna leh muanna awm theihna tur ngaihtuahnaah leh hmasawnna leh venhimna khawih thilte sawihonaah chuan a tel zel tur thu a sawi.

PM Modi chuan India chu khawvel chhim lam ramte aiawhtu a nih thu sawiin, summit lo awm turahte hian khawvel kal zel dan tur ruahmanna siam a, mihringte ngai pawimawh hmasawnna leh khawvel nuam zawk siam tur a nih thu tarlangin,"Ram hrang hrangte tel dan a zirin hmalak theih hun tur bakah, tumna tak tak a awm leh awm loh te, ruahmanna siam ngai dangte pawh siam zel a ni ang," a ti. Modi chuan India-in summit tel tura sawmna a dawn chu India pawimawhna ram dangin an hriatna lantirtu a nih thu leh, khawvel pum inrelbawlna kawnga tha a thawh ve dante lantirtu a nih thu a sawi tel bawk. G7 summit hi June 13-15 chhungin neih tur a ni a, Italy-in a thleng ang. June 15 leh 16-ahte Switzerland-ah Ukraine peace summit hi neih a ni dawn bawk a ni.