Khaw lum vangin state 5 tan red alert

India ramah khaw lumin zual lam a la pan zel. India Meteorological Department chuan state ṭhenkhat chuan May 26 , 2024 thleng khaw lum nasa tak an la tuar chhunzawm dawn tih a sawi.

Meteorological Department chuan Rajasthan, Punjab, Haryana, Chandigarh, Delhi leh Uttar Pradesh state-te tan red warning tichhuakin, khaw lum lutuk vanga dam loh leh heatstroke neih a hlauhawm tih a tarlang.

Rajasthan-a Barmer-ah chuan May 22 khan khaw lum lam 48 degree Celsius a kai a, record an neih tawha khaw lum ber ṭum a ni.

Haryana-a Sirsa-ah 47.7 degree Celsius, Punjab-a Bhatinda-ah 46.6 degree Celsius, Gujarat-a Kandla-ah 46.1 degree Celsius, Madhya Pradesh-a Ratlam leh Uttar Pradesh-a Jhansi-ah 45 degree Celsius leh Maharashtra-a Akola-ah 44 degree Celsius te kai bawk.

Kerala, Tamil Nadu, Karnataka leh Puducherry-ah erawh ruah nasa takin a sur dawn nia hmuh a ni. Kerala-ah hian ruahsur nasain chhiatna a thlenah mi pali an thi tawh a ni.