India miin UNDRR special representative hna chelh ṭan

India sorkar official, Kamal Kishore chu United Nations Disaster Risk Reduction (UNDRR) term thar atana hotu ni turin ruat a ni a, UN general secretary; Antonio Guterres aiawh - special representative a ni nghal dawn a ni.

UNDRR chuan thuchhuah siamin,"UNDRR chuan Special Representative for Secretary General (SRSG) atana Kamal Kishore ruat a ni hi kan lo lawm a ni. Ani hian khawvel pum huapa chhiatna hrang hrang hmachhawn leh chinfel dan kawnga UNDRR hnathawh tihmasawn turin hmathlir ṭha tak a nei a ni," an ti. Kamal Kishore hian Japan palai, Mami Mizutori a thlak a ni.

UNDRR special representative atana ruat a nih chungchangah Kishore chuan UNDRR hmathlir chuan hmachhawp awmte a buk tawk a ni tiin,"UNDRR hian khawvel huapa chiatna lo thleng hmachhawn kawngah ram hrang hrangte thu khat vuana hma la turin a kaihruai a ni. Ka hmaa chhuak ta, Mami Mizutori khan UNDRR hruai hna ṭha takin a thawk a, a hnung zui zawh ka inbeisei," tiin a sawi bawk. Kishore hian kum 2015 aṭang khan India National Disaster Management Authority (NDMA) hotu hna a chelh tawh a, India-in G20 kaihhruai hna a thawhnaah G20 working group on disaster risk reduction a kaihruai bawk.