Cyclone Remal avanga thi zat mi 16 tling tawh

Cyclone Remal chuan Bay of Bengal a thlen aṭangin India leh Bangladesh-te a nuai a, thli leh ruah nasa tak thawk avanga chhiatna thleng hrang hrangah India leh Bangladesh-a thi zat hi mi 16 an tling tawh.

Mi 16 thi zingah hian mi pali hi West Bengal-a electric-in a man avanga thi an ni a, heti hian Pathiannia mi pahnih thi nen mi paruk an tling tawh a ni. Cyclone Remal avang hian West Bengal-ah chuan thir ban 1,200 chuang a tlu a, hei vang hian tuipui kam khuaahte chuan kâwlphetha pe chhuak loin tihtawp vek rih a ni. India bakah hian Bangladesh-ah pawh cyclone Remal avang hian mi 10 an thi tawh a, thuneitute sawi danin mitthi tam zawk hi hmun him lam pana an kalnaah an thi niin an tarlang. Bangladesh-ah hian mi nuai chuang chu hmun him lamah sawn an nih phah bawk a ni.