Iran-ah PM Modi a zin

Prime Minister Narendra Modi chu nimin tlai khan Iran-ah ni hnih cham turin a zin.

PM hian nimin khan Iran-a Sikh chengte chu hmuin, Gurdwara a tlawh nghal. A cham chhung hian Iran President Hassan Rouhani nen inkawmin, sumdawnna leh energy lama ram pahnihte thawhdunna tihlen dan turte an sawidun ang. Iran supreme leader, Ayatalollah Khameinei pawh a hmu dawn a ni.

Iran-a PM Modi a cham chhung hian Iran chhimlam tuipui kama Chabahar lawngchawlh hmun siam≠na tur chungchangah inremna thuthlung ziah a ni dawn a, he lawngchawlh hmun cheina kawngah hian India chuan a pui dawn a ni. India hian Chabahar lawngchawlh hmuna terminal leh cargo berth siamna a tirah hian dollar maktaduai 200 a invest dawn a, a hnuah Chababhar leh Zahedan inkara rel kawng, km 500-a thui a siam leh ang.

Modi-a zin chhuah hma hian India chuan Iran oil a leina leiba dollar tlukdingawn 6.4 a pe fel a, a ba dang la awm pek dan turte pawh an sawiho nghal dawn a ni.