India leh Iran-in inremna thuthlung 12 ziak

Prime Minister Narendra Modi chu ni hnih cham turin Pathianni khan Iran-ah a zin a, nimin khan Iran President Hassan Rouhani nen meeting an nei.

Ram pahnih hruaituten meeting an neih hnu hian thawhdunna tur inremna thuthlugn 12 ziah fel nghal a ni.

Modi leh Rouhani-te hi minute 30 chhung an inkawm a, ram pahnihte inlaichinna chungchang bakah sumdawnna lamte an sawidun a ni.

PM Modi hi kum 15 chhunga India Prime Minister zinga Iran rama zin hmasa ber a ni. Iran sorkar chuan an ram khawpui, Tehran-ah PM Modi-a lawmna inkhawm hi a lo buatsaih sak a ni.

Ram pahnihten thawhdunna tur inremna an siam zingah hian Chahabar port siam tur te, science leh technolo≠gy, culture, economy leh trade lama thawhdunna turte a tel.

Chabahar free trade zone-a industry bunna turin India chuan sum tam tham tak a invest dawn a ni. Iran-ah hian natural gas leh power man a tlawm a, hei vang hian Indian firm-te chuan 0.5-million tonne aluminium smelter plant bakah urea manufacturing unit bun an tum a ni.

Road Transport, Highways and Shipping Minister Nitin Gadkar chuan Chahabar trade zone-ah hian cheng vaibelchhe nuai khat chuang zet investment tih a ni dawn tih a sawi a, aluminium plant chu Nalco in a din tur thu a sawi. Private firm-te pawhin urea plant din an chak thu sawiin, hei din a nih a ṭangkai dawn hle tih a sawi bawk. India hian kumtinin urea leina atan hian cheng vaibelchhe . 45,000 zet a seng
ṭhin niin a sawi bawk.