J&K-ah firfiakten police 3 kaphlum

Jammu and Kashmir-a Srinagar khawpuiah nimin khan firfiakten police party beiin police pathum an kaphlum.

Pakistan-a hmunpui nei, Hizb-ul-Mujahideen (HM) firfiak pawl chuan Srinagar-a pawikhawihna thleng hi an pawl tih nia sawiin, an member-ten police te hi an kaphlum niin an sawi.

Firfiakte pawikhawihna thleng vang hian Pakistan nena inri-na, Line of Control-ah pawh venhimna uluk zawka kalpui tura hriattir an ni a, sipaite chuan Pakistan
aṭanga India rama luhruk tumte ven hna ngawrh zawkin an thawk a ni.

Jammu and Kashmir-a Chief Minister Mehbooba Mufti-i kaihhruai PDP-BJP ṭangrual sorkar a din hnuah tun ṭum hi Srinagar khawpuia pawikhawihna liantham a thlen ṭum khatna a ni.

Report chuan firfiakte hian ralthuam rip tak nen Srinagar-a Zadibal Police Station-a police party chu beiin, police pahnih an kaphlum a, pakhatin hliam na ta ka tuar bawk niin a tarlang. Chhun dar 12 vel khan Parimpora-Hyderpora Bypass road-a duty constable pakhat chu firfiakte hian an kaphlum bawk.