ISRO in space shuttle enchhin

Indian Space Research Organization (ISRO) chuan India rama siam ngei space shuttle hmasa ber, Reusable Launch Vehicle (RLV-TD) tia vuah chu nimin zing khan hlawhtling takin a enchhin.

Space shuttle, RLV-TD hi Andhra Pradesh aṭanga Sriharikota aṭangin kahchhuah a ni a, hei hi ISRO siam a ni. ISRO chuan RLV-TD hi reusable rocket siamna tura a bul ṭanna a ni tih sawiin, final version chu kum 10-15 ah peihfel theih beisei a ni.

RLV-TD hi meter 6.5-a sein, thlawhtheihna pianhmang anga siam niin ton 1.75-a rit a ni. A siamna atan hian sorkar laipui chuan cheng vaibelchhe 95 a ruahman a ni.