Meta-in social media kaltlanga post ṭha lo nuai 17 chuang paih

Social media platform hman nasat, Facebook leh Instagram neitu, Meta chuan April thla chhung khan India ramah post ṭha lo tak tak, nuai 17 an paih thu an sawi.

Meta-in a tarlan danin, April thla chhung khan Facebook inkaihhruaina bawhchhiat avangin post nuai 11.6 an lak thlak thu leh, inkaihhruaina bawhchhiat avang thoin Instagram aṭangin post nuai 5.4 an lak thlak bawk thu an tarlang. Meta chuan April thla chhung vek khan Facebook-a Indian grievance mechanism hmangin harsatna an tawh report 17,124 an dawn thu leh, chung zinga harsatna 9,977 chu an chinfel theih thu an sawi tel bawk. Meta hian Instagram lamah pawh report 12,924 an dawn thu an sawi tel bawk.

Meta hian IT (Intermediary Guidelines and Digital Media Ethics Code) Rules, 2021 dan tharin digital leh social media platform zinga hmang tu nuai nga neite thla tin report tarlang tura a phût angin, report hi a rawn tichhuak a ni.