Pakistan ISI tana enthlatua puh; BrahMos engineer damchhung tang turin hrem

Nagpur district court chuan nimin khan BrahMos Aerospace Pvt Ltd-a engineer hna thawk ṭhin, Nitshan Agarwal chu Pakistan intelligence agency, ISI tana enthlak hna thawka puh a nih chungchangah thiam loh chantirin, dam chhung tang turin a hrem.

Official Secrets Act hnuaiah Agarwal hi hrem a ni a, kum 14 chhung hrehawm taka tang tura tih a nih bakah, Rs 3,000 chawi tura tih a ni bawk.

Additional sessions court judge, MV Deshpande chuan Agarwal hi Criminal Procedure Code section 235 hnuaiah leh Official Secrets Act (OSA) section hrang hrang hnuaiah thiam loh chantir a nih thu a sawi.

Agarwal hi company missile centre, Nagpur-a technical research section-ah a thawk ṭhin a, kum 2018 khan Uttar Pradesh leh Maharashtra-a military intelligence leh Anti-terrorism squads (ATS) ten an man, nikum April thla khan Bombay High Court-a Nagpur bench chuan bail-in a chhuah tir a ni. Brahmos facility-ah hian kum li a thawk hman a, a thawh chhung hian technical information pawimawhte chu Pakistan-a Inter-Service Intelligence (ISI) hnenah a pe ṭhin nia puh a ni.