Kerala CM atan Pinarayi Vijayan la lut

Kerala Chief Minister thar atan nimin tlai khan Pinarayi Vijayan chu rinawmna thu tiamtir lakluh a ni a, Kerala CM 22-na a ni a, Left Democratic Front (LDF) sorkar a kaihruai dawn a ni.

May 16-a Assembly inthlan neih takah khan CPI-M kaihruai LDF hian rorellai, Congress kaihhruai United Democratic Front (UDF) chu hnehin, assembly seat 140 awmah seat 91 a la a ni.

Sorkar thar lakluh inkhawm hi tlai dar 4-ah Thiruvananthapuram-a Central Stadium-ah neih a ni a, mipui tel an ṭhahnem hle.

CM atana lakluh a nih hmain Vijayan hian Governor P Sathasivam a hmu a, a cabinet minister list a pe. Cabinet minister atan hian mi 18 a ruat a, nimin khan minister thar turte hi lakluh nghal an ni. CM hian Home leh Vigilance a chang dawna ni.

Vijayan-a chuan state mipuite chuan sorkar thar lakah chuan beiseing sang tak an nei a, mipuite beiseina hi tihlawhtlin sak ngei an tum dawn tih a sawi.

Sorkar thar lakluh a nih hma hian LDF chuan inrenchemna kalpui turin ruahmanna a siam nghal. Minister official residence-te chu chei ṭhat an ni dawn lo tih a sawi a, hei bakah hian minister personal staff chu 30 aṭangin 25-ah tihniam a ni dawn bawk.