CBI-in darkar nga chhung Uttarkhand CM thu zawt

Uttarkhand Chief Minister Harish Rawat-a chu Congress MLA helte amah thlawp tura sum hmanga thlema puh a nih chungchangah, Nilaini khan Central Bureau of Investigation (CBI) chuan darkar nga zet thu an zawtfiah.

Harish Rawat hi New Delhi-a CBI headquarters-ah chawhma dar 11-ah a thleng a, tlai dar 4 thleng thu an zawt a ni. CBI hia news channel neitu nena an inkungkaih daih te, MLA hel hnena thamna a minister pakhat nena sum pek an tum nia puh a nih chungchangte an zawtfiah a ni.

CBI thupuangtu Devspreet Singh chuan, ì Harish Rawat hi sting operation chungchanga an puhna kaihhnawihah thu zawh a ni a, nidangah koh leh a la ni angî a ti.

Thu zawhfiahnaah hian Rawat hian CBI-te hriat duh ang a hrilh kim lo a, hei vang hian koh leh a ngai nia sawi a ni. Mahse Rawat chuan hei hi chhangin, CBI chu
ṭha taka a thawhpui thu a sawi. ìEng finfiahna mah ka pek a ngai lo. Tun hnenah mah thamna sum ka pe lo a, thamna pawh ka la hek lo. MLA helte hi ka duh thu ka sawi hek lo. June 7-ah ka lo kal leh dawn a ni. Media mite chu eng hunah pawh min hmu thei angî a ti. May 9-a CBI-in inlan tura a tiha a kal theih lohna chhan chu hemi ni hi Uttarakhand Assembly-a sorkar fiah ni a nih vang tih a sawi bawk.