Bengal Congress MLA-ten party laka rinawmna thutiam an ziak

West Bengal-a Congress MLA thlan tharte chuan stamp paper-ah an party laka rinawmna thutiam an ziak a, an party an chhuahsan ngai loh tur thu an tarlang. Hei bakah hian an party sawisel zawnga thu an sawi loh tur thu pawh an ziak tel a ni.

Tunhnaiah state ṭhenkhata Congress MLA-te an hel avangin harsatna a tawk fo a, hetiang thil a thlen tawh loh nan ruahmanna hi an siam ta a ni.

Congress MLA tharte chuan an party thuneitu sangin thutlukna a siamte a thlawp zel tur thu leh, a sawisel dawn a nih chuan, a duh loh thu a sawi hmain party member a nihna aṭangin an bang hmasa phawt ang tihte an ziak tel.

Party hruaitute chuan MLA-te hi rinawmna thutiam ziak tura hian nawr luih an nih loh thu an sawi a, MLA-te pawhin an mahni duh thu ngeia ziak an ni tih an sawi. West Bengal Congress hotu Abdul Manan chuan, ìIntiamna thu ziah hi dik lohna a awm lo. Tumah kan nawr lui hek lo. Hei hi party high command-in ti tura min tih pawh a ni hek loî a ti.

BJP chuan Congress party chetdan chuan an beidawn tawhzia a tilang niin a sawi. BJP hruaitu Sidhart Nath Sing chuan, ìRinawmna chu rilru put hmang aṭanga neih tur a ni a, ziaka intiam hi chu thil ngaihtuah ngai ta ka ni. Cong≠ress party chuan an insiamṭhat tur thu sawi fo mah se, an party vice president Rahul Gandhi-a hnuaiah hian eng angin nge a kal zel dawn tih tumahin ngaihdan an nei thiam lo a niî a ti. BJP hruaitu dang Babul Surpiyo pawhin Congress party thiltih dan chu democracy kalh a ni tih sawiin, hetiang hi BJP-ah chuan a thleng ve ngai dawn lo tih a sawi.