SpiceJet-in khaw 11-ah tui sem dawn

Maharashtra state-a khawkheng vanga harsatna tawk mek, thingtlang khaw 11-ah SpiceJet thlawhtheihna hmangin tui sem a ni dawn.

SpiceJet airline hian NGO thawhpuiin, Latur district-a thingtlang khaw 11-ah nitin tui liter 71,500 a sem ṭhin dawn a ni.

Airline hian thuchhuan siamin, ìMaharashtra state-in khawkheng vanga harsatna lian tak a tawh mekah Spicejet chuan a theih anga puih a duh a ni. Kum 11 a service kum pualin thingtlang khaw 11-ah tui sem hna hi a thawk dawn a niî a ti. Airline hian voluntary organisaton ëAnybodyCanHelpí a thawhpui dawn a, an ni hian mipuite hnena pekchhuah dan tur hi an lo ngaihtuah ang.

Maharashtra hian kuminah khawkheng a tuar nasa hle a, state sorkar chuan tun thla tir lam khan an state chhunga thingtlang khaw 29,000 chuang chu khawkheng thlenna hmunah a lo puang tawh a ni. Heng zinga a tam zawk hi Marathwada leh Vidarbha biala awm te an ni.