Africa miten zirlai thattu hrem turin phut

India rama Africa mi awmte chuan kar hmasaa New Delhi-a Congo aṭanga kal zirlaipakhat sawisak hlum tute chu hrem ngei turin sorkar an phut.

Eritrean Ambassador, Group of Agrican Heads of Mission dean ni bawk, Alem Tsehage Woldermariam chuan nimin khan thu≠chhuah siamin, Group of African Heads of Mission inhmukhawm chuan Africa mite beih an tawh fo chungchang an ngaihtuah a, hetiang thil hi thleng tawh lo se an duh tih an sawi a ni, a ti. An lungawi lohna lantir nan, vawiina A≠frica Day hman tur pawh chu an boycott dawn tih an sawi.

Kar hmasa khan South Delhi-a Vasant Kunj-ah Congo zirlai, kum 29 m Masonda Ketada Olivier chu autoricshaw hman chungchangah an inhnial avangin khawih rawn a ni a, a luah leirawhchana na taka chhut niin a thih phah a ni. Police-te chuan tualthahna thlenga inhnamhnawiha puh mi pakhat chu an man tawh a ni.

Woldemariam chuan Oli≠vier leh a ṭhianpa Samuel chu an ṭhian pakhat hmu turin an kal a, an hawl lamah autoricshaw an phar a, chuan luh a tum laiin helai venga cheng mi pathumte chuan luh khalhin an inhnial buai zui ta a ni. Mi pathumte hian Olivier hi an khawih rawn a, kawng sira lung lian tak awm chu lain an a lu-ah an chhu zui ta a ni. An khawih laia chhan tuma rawn kal mi pakhat pawh misualte hian kut an thlak ve nghal avangin a tlanchhe ta niin a sawi.

Olivier hi private hospital-ah hruai a ni a, All India Institute of Medical Sciences (AIIMS) Trauma Centre-a kalpui turin an lo ti a, kawng lakah a thi ta a ni.

Africa miten kut an tuar fo an duh lohna lantirin, Indian Council for Cultural Relations (ICCR)-in vawiina Africa Day lawmna a buatsaih tur pawh postpone tura an ngen thu Woldermariam chuan a sawi.