Mumbai bula factory-a thil puak vangin mi pathum thi

27th May, 2016

Mumbai bula chemical factory-a boiler unit chu nimin khan a puak a, chhiatna thlengah hian mi pathum an thih bakah mi 30 chuangin hliam an tuar.

Chhiatna thlenna hmun hi Thane district bul, Greater Mumbai region-a Dombivali-a Herbert Brown/Acharya Chemicals factory a ni. Factory-a thil puak hi a ringin a nghawr na hle a, km 2-3 vela hla awmte pawhin an office leh in-a tukverhte a nghawr nghing nasa hle niin an sawi.

Official-te chuan chhiatna thlenna hmun hi mipuiten an kalpawh mai lohna turin an khar nghal a, chhanchhuah hna thawh nghal a ni. Hliam tuarte hi Milap Nagar, Dombivali East-a AIMS hospital panpui an ni.