SC-in Italian Marine bail-a chhuah a phalsak

Kerala sangha mantute thattua puha hren mek, Italian Marine Salvatore Girone chu nimin khan Supreme Court chuan bail-in a chhuah tir a, Italy rama a kir a phalsak.

Salvatore Girone-an an rama kir a dilna hi sorka laipui pawhin a remtihpui a ni.

Kum 2012 khan Ita≠lian sipai pahnihte chu Kerala state mi sangha mantu pahnih thatah puhin man an ni. Man zinga pakhat zawk, Massi≠miliano Latorre chu nikum khan a damlo inenkawl turin Italy rama a kir phalsak a ni a, Supreme Court chuan kumin September thla thleng a awm a phalsak.

Italy sorkar chuan sipai pahnihte hian oil tanker an veng a, sangha mantute hi lawng suam≠hmang a maw tiin an kaphlum niin a sawi.

UN arbitration court chuan April thla khan kum li chuang zet Delhi-a Italy embassy-a hren tawh, Girone hi chhuah turin a lo ti tawh a ni.

Italian marine pahnih≠te man a, hren an nih zui avang hian India leh Italy inkar boruak pawh a chhiat phah hle. Italy chuan sangha mantute kahhlum an nihna hmun hi international water a nih avangin an sipaite chungthu pawh hi an rama ngaihtuah sak tur an ni a ti a, mahse India chuan India tuipui chinah thil thleng niin a sawi thung.