HC-in Jats quota pek tur dang

Haryana sorkarin Jats leh hnam dang panga puala sorkar hna leh zirna in-a 10% quota pek a tum chu Punjab and Haryana High Court chuan a dan sak.

State sorkarin quota dah sak a tum chungchangah hian Bihawani-a cheng, Murari Lal Gupta chuan High Court-ah petitoin a thehlut a, Haryana sorkar thiltih tum dan chu ram danpui kalh niin a sawi a ni. Petiition thehluttu ukil, Mukesh Kumar Verma pawhin Supreme Court-in Jats-te chu hnam hnufual zingah telh theih an ni lo tih a lo sawi tawh avangin, assembly hian dan siam thar turin dikna a nei lo niin a sawi.

March 29 khan state assembly chuan Haryana backward classes (reservation in services and admissions in educational institutions) act, 2016 chu lung≠rual takin an pass a ni. Backward class category-ah Jats, Jat Sikhs, Mulla Jats, Bishnois, Rors leh Tyagis hnam chu dahbelh an ni a, sorkarin hnam hnufual tana quota a siamsak chu an chang ve thei dawn a ni.

Kum 2014 khan Haryana sorkar hian other backward clasess (OBC) caterogy-a Jats hnam telhna tur bill hi a lo pharh tawh a, mahse hie pawh hi court chuan hnawlsakin, Jats hnam chu khawsak phungah, zirna leh politics lamah pawh hnam hnufual an ni lo tih a sawi.