Uttarakhand BJP Councillor a inkawtah an kap hlum

Uttarakhand-a Udham Singh Nagar district-a awm Rudrapur ward 13-a BJP councillor Prakash Dhami chu a in kawtah niminah khan mi tu tih hriat lohin an kap hlum.

Udham Singh Nagar SP Devendra Pincha chuan Prakash Dhami kap hlumtu hian a car chu Dhami in kawtah hian tidingin a document-a a hming ziak tura a koh chhuah thu sawiin a in aṭanga a chhuak chu kap hlum nghalin misual hi an tlanchhe zui tih a sawi.

Kah a nih hnu hian damdawi-in pan pui nghal niin doctor-te chuan a thih thu hi an puang ta a ni. 

Prakash Dhami hi chuhtu awm loin Rudrapur Ward 13-ah hian a tling. Amah thattu hi an chhui zui mek tih SP chuan a sawi.