Himachal Pradesh chief minister-in Covid-19 a kai

Himachal Pradesh chief minister Jairam Thakur chu nimin khan Covid-19 a kai tih hriat chhuah a ni a, a in lamah a inkhunghrang nghal a ni. 

Thakur hi a hmain quarantine a lo ni sa tawh a, quarantine  a nih chhan hi deputy secretary-in Covid-19 a kai vang a ni. Hei vang hian hlauh­thawn thilah Thakur quarantine sa a ni.

Quarantine a nih lai hian Thakur hian amaha Covid-19 natna a lanchhuah avangin test ve a ni a, test a nih hnuah a positive tih hriat a ni zui ta a ni. Thakur hian a chenna inah a inkhunghran nghal thu a sawi. Thla hlui liam ta khan ram hruaitu ni lai mek home minister Amit Shah, Karnataka chief minister BS Yediyurappa, Haryana chief minister ML Khattar, Madhya Pradesh chief minister Shivraj Singh Chouhan, Delhi deputy chief minister Manish Sisodia te chuan Covid-19 an kai tawh bawk a ni.

Himachal Pradesh-ah hian Covid-19 hri kai hi mi 17,408 an awm tawh a, he hri thihpui hi mi 100 chuang an awm tawh bawk.