Scindia chawimawina puala pawisa thir siam tlangzarh

Prime minister Narendra Modi chuan nimin khan BJP dintu zinga mi Vijaya Raje Scindia piancham vawi 100 lawmna puala cheng 100 thir siam chu a tlangzarh. 

Cheng 100 thir thar hi finance ministry tihchhuah a ni. 

Vijaya Raje Scindia hi Rajmata of Gwailor tia hriat a ni bawk. Raje Scindia hi Lok Sabha-ah vawi sarih thlan tlin a ni tawh a, Rajya Sabha MP atan vawi hnih thlan tlin a ni tawh bawk. A hmain Congress mi leh sa a ni ṭhin.

PM Modi chuan Raje Scindia hi kum 60 chhung chu India tana mi pawimawh a nih thu a sawi a, "India-in zalenna a hmuh hma khan Ram Mandir Andolan-ah ramdang kawr a hal ngam ngat a ni. Emergency hun lai khan lungin hialte pawh a tang tawh a, lungin a tan chhung hian a fanu lehkha thawin, mipuite tana thawh chu thuneihna tam tak neih ai a pawimawh zawk a ni a ti. Ram tan a beihna zawng zawngte hi kan theihnghilh lo," tiin Modi chuan Raje Scindia chu a fak.

"Heng a huaisen zia leh ram tan a beihna zawng zawngte hi chhuan lo la awm zel tur te tana thil ropui tak, entawn tur a hnut chhiah chu a ni," tiin Modi chuan a sawi bawk. 

Kumin kumtir lam khan Vijaye Raje Scindia tupa Jyotiraditya Scindia chuan  Congress chu chhuahsanin BJP a zawm a ni.