Union Minister-te'n J&K-ah campaign nei ṭan
Jammu & Kashmir (J&K) tlawha zin Union Council of Minister thawhkhatnate chuan Inrinni liam ta khan sorkar laipui kalphung mipuite hnena hriattirna campaign an nei ṭan.
Union Minister thawhkhatnaa zinte zingah hian Minister of State (MoS) for Prime Minister's Office Jitendra Singh, MoS for Parliamentary Affairs and Water Resources, Arjun Ram Meghwal leh MoS for Health, Ashwini Choubey-te pawh an tel a ni.
MoS Parliamentary Affairs and Water Resources minister, Arjun Ram Meghwal chuan J&K a tlawh chhung hian Samba district-a Birpur hmunah tuichhunchhuah leh tuihawk kal kawng thuam ṭhatte chu a hawng nghal a ni. MoS for Health, Ashwini Choubey pawhin mipuite hnenah BJP sorkar chuan chi leh sakhuana thil avanga tumah enhran a neih loh thu a sawi ve bawk.
Jammu-a Gole Gujral-ah MoS for Prime Minister's Office, Jitendra Singh chuan smart classroom a hawn bakah, sport stadium lungphum a phum bawk. Inrinni liam ta khan union minister 15-in J&K an tlawh a, union minister 21 dangin tunkar hian an tlawh ve leh ang. Union Council of Minister 36-te chuan January 18-24 inkar chhungin J&K tlawh tumin hma an la a, minister-te hian sorkar kalphung mipuite hnena hriattir turin J&K hi an thlawh mek a ni.