Bengaluru special court-in Rahul Gandhi bail dilna phalsak

Bengaluru special court chuan BJP Karnataka unit-in Congress party hruaitu, Rahul Gandhi laka defamation case an thehluhah, Gandhi-a bail dilna chu nimin khan a phalsak.

Kum 2023-a Karnataka legislative inthlan dawna campaign laia Congress party-in chanchinbu-a BJP eiruk dan nia sawi an chhuah tir chungchangah, Rahul Gandhi lakah hian defamation case hi thehluh a ni. Nimin khan court-in a koh angin Gandhi hi special court-ah a inlan a ni.

Karnataka Congress party hruaitute chuan chanchinbua thu an chhuah chungchangah Rahul Gandhi hian inhnamhnawihna a nei lo tih sawi mah se, BJP hian Gandhi lakah thubuai hi an thehlut tawh tho a ni. Ani bakah chief minister Siddaramaiah leh deputy chief minister DK Shivkumar lakah pawh thubuai hi an theh lut a, anni pahnih pawh bail an dilna phalsak an lo ni tawh bawk.