ECI-in vote tlak dan kimchang a ti chhuak

Election Commission of India chuan Lok Sabha inthlanpui neih zawh taka vote tlak dan kimchang chu Ningani khan a ti chhuak a, ram puma vote tla at chu 65.79% niin, kum 2019-a vote tla zat 67.40% a phak lo.

Chief election commissioner Rajiv Kumar chuan kumin inthlanpuiah mi vaibelchhe 64.2 in vote an thlak thu a sawi.

Lakshasdweep chu vote tlak ṭhatna ber niin 84% a tla a, Assam-in dawtin 81% a tla. Vote tlak chhiatna ber chu Bihar niin 56.19% a tla a, Uttar Pradesh (56.92%) leh Mizoram (56.87%) te chu a tlak chhiat zualna dang an ni bawk.

Inthlan neih tur thu puan ni, March 16 aṭanga ram puma Model Code of Conduct hman chu Ningani khan a tawp ta bawk a, hemi chungchang hi state leh Union Territory zawng zawnga cabinet secretary, chief secretary leh chief electoral officer te hriattir an ni.