West Bengal sorkar thar la lut

West Bengal sorkar thar chu nimin khan lak luh a ni a, Trinamool Congress hotu Mamata Banerjee-i chu a zawna CM term hnihna chelh turin Governor Keshari Nath Tripathi chuan rinawmna thu tiam tirin a la lut.

Mamata Banerjee hi West Bengal Chief Minister pariatna a nih bakah, an state-in hmeichhe CM a neih chhun a ni bawk.

CM atana Banerjee lakluh rual hian minister tur mi 41 te chu lakluh ve nghal an ni a, an zingah hian hmel thar 17 an awm. TMC MLA-te pawh rinawmna thu tiam tira lakluh an ni bawk.

West Bengal sorkar thar lakluh inkhawm hi hruaitu pawimawh tak takten an hmanpui a, an zingah hian Bhutan Prime Minister Tshering Tobgay pawh a tel. Ani bakah hian Bangladesh Industry Minister Amir HOssain Amu, Union minister - Arun Jaitley, Venkaiah Naidu leh Babul Supriyo bakah Delhi CM Arvind Kejriwal, Uttar Pradesh CM Akhilesh Yadav, Bihar CM Nitish Kumar leh J&K CM hlui Farooq Abdullah-te pawh an tel a ni. VVIP 140 tel zingah hian politician lar te bakah, sumdawng lian Mukesh Ambani, lemchan thiam Amitabh Bachchan, Shah Rukh Khan leh Om Puri-te pawh an tel a ni.

Sorkar thar lakluh inkhawm hi Red Road-ah ropui taka neih a ni a, mi 30,000 chuang zet an tel. He tih lai hian state chhunga epty party Left, Congrss leh BJP chuan mipui sum ṭullo taka khawralna a ni tiin, inkhawm hi an boycott thung.

Banerjee-i minister thar mi 42 zingah hian cabinet minister 17, minister of state (independent charge) panga leh minister of state pariat an tel. Minister zingah hian hmeichhia panga an awm a, Muslim pasarih an awm bawk. Banerjee-i chuan Malda district tih loh, district dang zawng zawng aiawhte chu ministry-ah hian telh an nih thu a sawi. South 24-Parganas district chuan minister ngah berin, he district aṭang hian minister mi pasarih an awm a ni.

Member 294 awmna, West Bengal as-sembly-ah hian Trinamool Congress hian MLA 211 zet a nei pha a, assembly in-thlan hmasa aiin MLA a ngah zawk a ni. Tun ṭum assembly-ah hian hmeichhe MLA
40 chauh an awm a, an zinga 29 chu TMC member an ni a, Congress-in pali, CPM-in paruk leh Gorkha Janmukti Mor-cha (GJM)-in MLA pakhat an nei ν