Nehru fak vangin MP IAS officer sawn

Madhya Pradesh-a Indian Administrative Service (IAS) officer chu a Facebook page-ah Prime Minister hmasa ber Jawaharlal Nehru-a fakna thu a ziah avangin transfer a nih phah nia sawi a ni.

IAS officer Ajay Singh Gangwar hian a facebook-ah hian Nehru hian thil tih dik lo a neih loh thu a sawi. "Kum 1947-ah Hindu Taliban Rashtra lak aṭangin min venghim a, chu chu thil tihsual em ni? IIT, ISRO, BARC, BHEL, steel plants, dams leh thermal power plants te hawng a, heng hi a tihsual em ni? Ramdev leh Asaram-te ang ni lo, Vikram Sarabhai, Homi Bhabha-te a chawimawi chu a tihsual em ni?" tiin a ziak. He post hi thehdarh a nih hnuah, Ningani khan a transfer-na order hi a chhuak nghal a ni.

MP sorkar chuan IAS thuchhuah hi service rules bawhchhiatna nia a ngaih thu a sawi a, mahse transfer a nih chhan erawh a sawifiah lo.

Congress sorkar chuan Chief Minister Shiv-raj Singh Chouhan-a kaih-hruai sorkar thiltih dan chu an dem thu sawiin, lungawi lohna lantir an tum thu an sawi ν