Maha Deputy CM thubuai siamsak

Anti-Corruption Bureau chuan Maharashtra Deputy Chief Minister hlui, Chhagan Bhujbal leh midang 11-te chu an sum lakluh phu loa hausaah puhin thubuai a siamsak. Heng mi 12-te hi an lakluhna hriat si lohin cheng vaibelchhe 203 an nei nia puh an ni.

Chhagan Bhujbal hi eirukna thubuai pahnih-a inhnamhnawihah puh a nih avangin ACB hian a lo chhui tawh a, a tupa Sameer-a nen kumin Februarty thla khan Enforcement Directorate chuan an lo man tawh a ni.

ACB-thubuai thehluh≠ah hian Chhagan Bhujbal bakah a nupui Meena, a fapa Pankaj leh a mo, Vishakha bakah a tupa Sameer-a hming a lang a, hengte bakah hian sumdawnnaa a mi rawihte pawh an tel nual a, ACB chuan heng mite hi dan lova sum lakluhnaah inhnamhnawih vekah an puh a ni. Bhujbal hian dan lova sum lak luh nan company lem a din nia hriat a ni a, hemi atanga a sum lak luh hmang hian Mumbai, Pune, Nashik leh Lonavala-ah ram tam tak a lei tawh niin ACB hotute chuan an sawi.

Bhujbal-an bail-a chhuah a dilna chu kar kalta Zirtawpni khan High Court chuan a ngaihtuah a, June 8-a ngaihtuah ṭhat turin a dah. Bhujbal hian a hriselna ṭhat loh chhuanlamin bail hi a dil a, a taksa lamah harsatnta hrang hrang - zunthlum, thawhhah leh blood pressure lamah harsatna a neih mek niin a sawi.