Ram panga tlawh turin PM a zin dawn

Prime Minister Narendra Modi chu ram panga tlawh turin June 4 hian a zinchhuak leh dawn.

PM hian Afghanistan, Qatar, Switzerland, US leh Mexico te a tlawh ang. Aghanistan ram tlawh hmasa berin, India puihna hmanga sak, Salma Dam a hawng dawn a ni. He dam siamna atan hian cheng vaibelchhe 1,400 vel sen a ni. Afghanistan
aṭang hian Qatar a pan ang a, Emir Sheikh Tamim bin Hamad Al-Thani nen inkawmin, economic lama ram pahnihte inzawnma nghet zawk siam dan an sawidun ang.

Switzerland-ah PM hian an President Johann Schneider-Ammann chu biain, an rama India mi
ṭhenkhatte sum chheprelh chungchang haichhuak tura thahwpui turin a sawm rin a ni. Kum 2014 inthlanpui neih dawn khan Modi hian rampawna sum chheprelh lak kir leh vek a lo tiam tawh a ni.

June 7-ah Switzerland aṭangin US a pang ang a, a cham chhung hian US Congress joint mee≠ting-ah thu a sawi ang. Hemi hnu hian Mexico a pan leh ang a, Mexico rama investment tih dan turte an ram hruaitute a sawipui dawn a ni.