African zirlaiten nawrh an ṭhulh

Africa zirlaiten tun hnaia Africa miten beih an tawh fo avanga lungawi lohna lantira Jantar Mantar, Delhi-a nawrh huaihawt an tum chu sorkarin venhimna ṭha zawk pek a tiam avangin an ṭhulh.

Association of African Students in India chuan thuchhuah siamin, Ministry of External Affairs official-te nen meeting an neihnaah an himna tur ngaihtuah sak an tiam avangin, nawrh an tum pawh an ṭhulh ta niin an sawi. Meeting-ah hian Africa ram 15 aiawhte an tel bawk a ni.

Africa zirlai pawl ai≠awhte hian Delhi Police Commissioner leh official dangte pawh an hmu a, police-te pawhin harsatna thlenna tur high level official-te number te an hrilh bakah, police-te pawhin ṭha zawka a himna tur ngaihtuahpui an lo tiam bawk.

Zirlaite hian African Ambassador-te pawh hmuin, anni pawh hian an lungawi lohna chu nawrh huaihawt zawng ni lo, inbiakna hmanga chinfel dawn kawng zawng turin an ngen. Misualte kut tuara thi, Congo zirlai MK Olivier-a nu leh pate pawhin nawrh huaihawt lo tur hian an ngen bawk a ni.