G7 summit hmang turin PM Modi a zin

Italy-a G7 Summit hmang turin nimin khan prime minister Narendra Modi chu a zin a, Prime Minister term thumna atana lak luh a nih hnua ram pawn lama a zin chhuahna hmasa ber a ni.

G7 member ramte hi - Canada, France, Germany, Japan, United Kingdom, United States leh European Union an ni a, summit thlengtu Italy chuan India hi Outreach Country anga tel turin a sawm a ni. Agenda zingah hian Russia-Ukraine buaina, Middle East issue, ram ṭhang mekte nena an inlaichinna, migration climate energy, food security leh Artificial intelligence-te a tel.

PM Modi hian summit a chhim denchhen hian Italy prime minister Giorgia Meloni chu meeting a neihpui nghal dawn a, ram pahnihten thawhdunna zau zawk siam dan turte an sawidun ang. Hei bakah US president Joe Biden pawh a hmu dawn bawk niin US national security advisor Jake Sullivan chuan a sawi.

G7 summit-ah hian India hi vawi 11 a telna tur niin, PM Modi hi ṭum nga a telna tur a ni. Summit hi June 13-15 chhungin Apulia-a Borgo Egnazia resort-ah an nei dawn a ni.