UCC hi sorkar agenda zinga mi a ni : Union Law Minister JD(U) in lungrual taka thutlukna siam a ṭul thu a sawi

Union law minister thar, Ajun Ram Meghwal chuan Uniform Civil Code (UCC) hman ngei chu Narendra Modi kaihhruai sorkar agenda zinga mi a nih thu a sawi.

Minister Meghawal chuan UCC a taka kalpui tur chu mipuite chuan lo nghak a, lo thlir turin a ti a, BJP manifesto zingah a tel a, a taka hman ngei a tum tih a sawi a ni.

Hetih lai hian NDA hnuaia BJP thawhpui, Janata Dal (United) chuan UCC chungchanga thutlukna siam a nih dawn chuan an sawiho a, lungrual taka an pawm tlan a ngai tih a sawi ve thung. JD(U) national general secretary, KC Tyagi chuan, "Kum 2017 khan Law Commission hnenah Bihar chief minister Nitish Kumar chuan UCC chungchangah ngaihdan a lo thehlut tawh a, kan dinna hi a la ngai reng a ni. UCC hi kan dodal lo a, mahse lungrual taka kan pawm tlan theih a ngai a ni," a ti.