J&K school-te national anthem sa turin hriattir

Jammu and Kashmir-a sorkar school-te chu morning assembly session an neihah India hnam hla, national anthem sa ziah turin hraittir an ni.

School Education Department chuan he hriattirna hi ti chhuakin, sorkar hnuaia school-te chuan standard protocol angin, zing assembly-ah national anthem hi an sa zel tur a ni, a ti. J&K-ah hian sorkar school hi 18,723 a awm a, heng zingah hian primary school 8,966, upper primary 7,228, high school 1,741 leh higher secondary school 788 an tel a ni.

Department chuan school tinah assembly hi in ang tlanga kalpui turin hma an la mek tih an sawi, kaihhruaina an siam anga morning assembly hi nei vek tur leh, a rei zawng pawh minute 20 ni turin a ti a ni. He hunah hian zirlai emaw, zirtirtu emaw, mi pathum/pali velin nitin topic hran chungchangah inzirtirna leh infuihna te sawi a, hei bakah India zalenna sualtu leh mi ropuite chanchinte sawi a; rinawmna, inzahtawnna, khua leh tui nih anga tih tur leh mawhphurhna bakah ram danpui ropuina chungchangte pawh sawi a, India rama culture hrang hrang chanchinte pawh sawi ṭhin turin a ti bawk.